Publisert 23.11.2017
Ungdomens kulturpris_2017.jpg

Oppvekst- og kulturutvalet har i møte i dag, torsdag 23. november 2017, gjort vedtak om at Ungdomens kulturpris for 2017 blir tildelt Vilde & Anna og Oselie.

Her kan du sjå juryen si grunngjeving:

Det at to aktørar, Vilde & Anna (2016) og Oselie (2017), no har vunne Mgp Junior to år på rad er ein heilt unik prestasjon. Dei har alle tre bidrege til å sette regionen og spesielt Eid på kartet på ein måte ein knappast kan kjøpe eller planlegge seg til. Ikkje berre har dei sjølve vist eit enormt engasjement, kvalitet og musikalske evner på høgt plan, men dei har gjeve heile lokalsamfunnet store opplevingar og felles minner for livet. Juryen ynskjer at prisen skal bidra til at jentene framleis skal kunne utvikle seg sjølv og produktet sitt på ein god måte.

Vi gratulerer Vilde & Anna, og Oselie med Ungdomens kulturpris 2017 og ønsker dei lukke til med MGPjr Juleturné, der alle tre er med og opptrer rundt om kring i heile landet!

I dag er det også ein reportasje frå Eid om MGPjr vinnarane på NRK Supernytt. Her kan du sjå reportasjen.

     

Lokale nyhende

Fant ikkje gitt feed i databasen.
Validator
Levert av ACOS AS
Login for redigering